خش وثبت نفسك ( بأفشه للبنت او الولد )

[size=18]
انا مش عاوز ردود عاوز اللى يخش يرمى افشه للبنات او للشبابيلا نبتدى الافشات يا حلوين
البنت من دول تقول كلام وكلــــــــــــة
امته تخلص دراستك
(يعنىتعالى اتجوزنى بقى )
تعرفيا حبيبى انى مافيش حد يعرف انى بكلمك
( كل اصحبها يعرفوا وقاريبه كمان خلى بالك )
- انا ميهمنيش اى حاجة ولا فلوس ولا حاجة فى الدنيا المهم انت وبس
انا راضية بجحر بس المهم اكون معاك
(وبعد اسبوع واحد اتفرج يا معلم )
-لو فضلت زعلان منى كدة انا حموت نفسى
(ابقى قابلنى..........ال اموت نفسى ال )
-هستناك طول العمر يا حبيبى مهما حصل
(والواحد يسافر وهو مطمن يرجع يلاقيها متجوزة وعندها عيلين )
-انا جيلى عريس ومش عارفة اعمل اية حيلى معاهم فى البيت خلصت
(وهيا اساسا ما حدش معبرها غيرك) اتنيلى يابيرة مش كفاية عبرتك
-النهاردة اسعد يوم فى حياتى
(يوم ماعرفتها ويوم ما خطبتها و,,,,على اساس ان حياتها كلها يوم )
- انا روحى بتنسحب منى لما بفكر اننا ممكن نسيب بعض
(معظمهم بيسيبوا بعض ومسمعناش عن حد منهم مات )

-ما ردتيش عالتليفون لية يا حبيبتى..كنت
قاعدة مع ماما
(اكيد منفضالة ومش عاوزة تكلمة هاتغلب يعنى لو قامت من جنبها وردت علية )
-هاتتقدملى امتى؟
(بيتقال بمعدل20مرة فى الدقيقة )
-انا بغير عليك
(تخنقة وتكرة فى حياتة وفى الاخر بحبك وبغير عليك )
-كنت مع مين انا كلمتك وماردتش
(ممكن يكون فى الحمام او ماسمعش بس وش انت كنت مع واحدة تانية )
-اية رائيك فيا النهاردة؟
(سؤال كل يوم)
-انا هاقفل الموبيل بقى علشان دخلة انام
(تشغل الشريحة التانية وتكلم الواد الجديداللى اتعرفت علية)

-طب الموبيل هايفصل شحن سورى يا حبيبي سلام دلوقتى
(اقفل بقى غرمتنى دى كلها مكالمة)
-طب سلام دلوقتى اخويا جة
( افف اية الرغى دة خرمتلى ودانى)
-على فكرة انت اول ولد اعرفة واديلة تليفونى واخرج معاة انا عمرى ما عملت كدة ابدا
( ياراجل اشمعنى انت)حركات قرعة
-انا مش فاهمة لية الولاد بتبص للشكل والجسم بتاع البنت؟بجدالولاد دول عينيهم
زايغةاوى وسطحيين موت
(وهيا تلاقيها 24ساعو متنحة فى صورة احمد عز او تامر حسنى)

اول ماالولد يشوف البنت وتعجبه
بيعمل ايه؟؟
حبيبتى انتى عارفه انا مش بحب حركات الشباب الطايش انا اصلا مبكلمش بنات (وتلاقى
طوب الارض يعرفه)

-يااااه حاسس انى اعرفك من زمان(وهوتلاقيه متلخبط بينها وبين بنت كان يعرفها قبل
كده)
-يااه يا حبيبتى حاسس ان فيكى حاجه غريبه غير كل البنات (اكنها مثلا بتمشى على
ايديها ورجليها )

-يااااااااااااه حاسس ان فى شبه كبير بين افكارى و افكارك احنا اكيد مخلوقين لبعض(طبعا دى البنت
رقم 1000 اللى بيقولها كده اكن يا عينى بنات الدنيا شبها )

-ياااه انتى كنتى فين من زمان يا رتنى كنت عرفتك من زمان

ويعد بقي يغنيلها
اغنية هانى شاكر يا رتنى قابلتك من زمان
-يااه يا حبيبتى انتى تؤمرى وانا انفذ اللى انتى عايزاه اجبهولك(فى المشمش)

-حبيبتى الطقم اللى انتى لبساه ده تحفه بس متلبسهوش تانى عشان بتبقى حلوه وانا بغيييييير بغيييييييييير
(طبعا فاهمين الحركات دى مش محتاجه تعليق)

-هكلم باباكى اول ماكون نفسى(موووووووووووت يا حمااااااااااار)

-عايز اشوفك كل يوم كل ثانيه (عشان صحابه يتأكدو انها حلوه ههههههه)

-حبيبتى افتكرى دايما انى لما بحب بحب بجد وانا حبيتك(الاسطوانه المعتاده)

-انا علاقتى بيكى محدش يعرفها غيرى و غيرك و ربنا لانك بقيتى كل خصوصياتى (يعنى يا دوب اللى
يعرفو اخواتى و اصحابى و جرانى وقاريبى وصحاب صحابى.....الخخخخ)

-احتمال اسافر الاسبوع الجاى سويسرا ورثت عمتى (وهى عمته اصلا من كفر ابو بطيخ
وماتت من 20 سنه)

-انا كل عطورى من فرنسا (ايوه كلونيا خمس خمسات اللى انت بتحطها)

-ياه لما بشوف رقمك على الموبيل قلبى بيتنفض(طبعا من الخضه انها تكون فأستك)

-فلان قالى ادينى رقمك بس انا قلتله اقتلنى قبل ماتاخد رقها منى(ياااااه علتضحيه
وهى ياعينى رقمها مع مخاليق ربنا كلهم)

-حبيبتى عايز صورتك عشان قبل مانام اتشاهد فى جمالك واحطها تحت المخده(لا وانت
الصادق عشان لما تتخانقو تهددها بيها)

-اسف يا حبيبتى امبارح مقدرتش اكلمك كنت مشغوووول فى الدراسه(قصده معهوش فلووس
ههههه)

-اسف يا حبيبتى انى مقدرتش اجى فى المعاد امبارح كان عندى ظروف صعبه(معزور الولد افتكر معاد
البنت التانيه اللى بقاله 3 اسابيع مأجلها)

- عارفه يا حبيبتى انا طول الليل منمتش قاعد بفكر فيكى بس على ميين
ترد
عليه تقوله اومال
مين اللى كان نايم و مبيردش على التليفون؟بس كالعاده الرد جاهز(ياااه انتى تقصدى الخمس دقايق اللى نمتهم
دوول؟دول من كتر التفكير
فيكى جالى غيبوبه)هههههههههههههه

-عارفه يا حبيبتى انا اصلا مش بفتح الماسنجر الا لما بتكونى موجوده اصلا النت
منغيرك ميسواش يقصد مش بفتح البلوك عنك الا اما تمشى

هههههههه

هعهعهعهع

خش وثبت نفسك ( بأفشه للبنت او الولد ) Lol

خش وثبت نفسك ( بأفشه للبنت او الولد ) Lol

عدد الرسائل : 58 تاريخ التسجيل : 05/02/2009

يبدأ يوم الشباب عندما تتجمع (( العصابة )) يعنى الشلة كل (( مورنينج )) عند (( ناصية الرمش )) وهى عبارة عن مكان تتوافد

إلية مجموعة من بنات النادى أو الجامعة معظمهم بنات (( إستبن )) يعنى غير أصحابهم الآساسيين وكل بنت لها المصطلح الخاص بها
يعنى لو البنت حلوه يطلق عليها (( أوكشة )) (( فى الزيف )) يعنى فى الجون ولو لابسة جزمة كعب عالى (( ألآستوك بيتوك )) أو

حتة (( شامبو )) يعنى ريحتها حلوة ومستحمية !

ولو البنت صغيرة يطلق عليها (( أووزى )) ولو كانت البنت الاجمل فى الشلة يطلق عليها (( النتفة )) أما لو كانت قبيحة الشكل تبقى
(( صندل مقطوع أو ضاربها طبنجة )) ولو البنت تخينة تكون (( اتوبيس )) ولو كانت غير متناسقة القوام او الملامح تسمى
(( سلعووه ))

ولو كانت لعوباً يطلق عليها (( هشكة )) ولو كانت مرتبطة تبقى (( أوفسايد )) أو (( متشفرة)) والكارت بتاعها مع فلان !

ولو كانــت البنت سمـراء البشرة تسمى (( ضالمة من قارة افريقيا )) أو (( مزرقة )) ولو كانت بنت من مكان شعبى تسمــى
(( بيئة ))....

وعندما ترفض البنت المعاكسة تقول لمن يعاكسها ( يا خفة .. اية التهزير دة ... روح لمامتك يا بيبى ))

وممكن الحكاية تكون فى السليم وتقلب صحوبية وتقول للولد (( خلينا فى الفيوتشر )) ...

ولو الولد زهق (( اتخنق )) من البنت أو العكس يقولها (( سمعينى بودعك )) أو (( حديها الدبلة )) ....

وعندما تريد البنت معرفة رأى أصحابها فى (( البوى فريند )) بتاعها تعطية ميعاداً وتطلب من صديقاتها رأيهم بدون أن يعرف
(( الموكوس )) الغلبان .... خدوا بالكم يا شباب من المصطلحات اللى جاية دية للأهمية القصوى عندما تقول لها صديقتها انك
(( تاكسى )) يعنى انت لافف وداير وبتاع بنات .. ولو قالت (( سكامونى )) يعنى جميل و أمور ...(( ملسكوبيتش )) يعنى بخيل ...
(( ... (( شامورتى )) يعنى خنييق ..

(( توت فروت )) مظهرجى ... (( خفشاوى )) غير واضح وهايف ... (( شنيش )) يعنى لامؤخذة هفأ .. !

ولو الولد تعبان فى المذاكرة يعنى (( جايب جاز والشراب هوى ومتخرتق )) !

وأكثر مصطلحات متداولة هذة الايام

(( العب باشكا )) يعنى العب على المكشوف

(( حطيت إيدى على البلف )) يعنى فهمت الموضوع !

(( أدعك الفانوس دلوقتى )) يعنى ممكن تمشى وترحل !

(( أرحلك )) أخرجك من الشلة

(( الجوند )) فلوس

(( مكيش القفف )) معاه فلوس كتير

(( يا صباح المظلات )) للمتقدمين للكليات العسكرية

(( فهمـى )) يعنى نفض وكبر الجمجمة !

(( أحلق )) طنش !

(( انت حتزاولنى )) انت حتشتغلنى !

(( مهييس )) عامل دماغ وطاير قووى !

(( يا صباح اللى بتغنى )) صباح الخير

(( يا مساء الليل )) يعنى يا مساء الخير !

(( فوكك )) سيبك من الموضوع دة !

(( أراك أمس )) يعنى مش عايز اشوفك تانى !

(( أحنا عيال قادرة وكفأة .. ودكتوراة فى الحداقة )) يعنى احنا شباب 100 / 100 !

(( كل معرفتى بيه .. هاى باى )) يعنى مش صاحبى قوى !

(( شوليطى . موليطى )) يعنى مش معايا فلووس .. مفلس

ومن مصطلحات الاغانى المنتشرة بكثرة هذة الايام الاتى :

(( انا رايح ألعب مع روبى )) يعنى انا رايح الجيم !

(( تعالوا نحصل ماريا )) تعالوا نلعب شوية

(( انت بتقلد روبى ؟ )) يعنى بتخبى وبتدارى

(( أنت كدة تعجب بوسى سمير )) يعنى انت حطيت النقط على الحرووف

لا جااااااااااااااامد وفى الجون

ايون كده الكلام
شكرا على مساهمتك الجميله
broken_heart

فين بقية الاعضاء

الافشه بتاعتى عارفه يوم ماعرفتك كاااااااااااااااااان يوم ماتولدت ( ماتولدت المشاكل) ياحبيبتى
تقولي وانا واللهى (لاقيت حد اتسلى عليه )يا حبيبى
بس ده الى انا قادر اقولو شويه كده وهاقلكو تانى
ههههههههههههههههههههههههههههههه
شكرااااااااااااااااااااا على الموضوووووووووووع الجااااااااااااااااااااااامد ده واللهى انتا برنس يا ماى انتا وبروكن عاملين تيم جامد اوى يا احلى ماى واحلى بروكن استمرو

وايه يا ماى الشغل العالى ده شغل اخر حاجه والنبى يا جماعه خودو بالكو من ماى رومانسى عشان ده قبل مايكون صحبى هوا اخويا وطبعا بروكن وحماده حبيبي ومعنا نجعل المنتدي افضل

شكرا ليك
admin
وعلى مسهمتك الجامده دى
يا نجم النجوم