قالو التحرش زاد فى بلدنا

قالوا تحرش زاد في بَلَدنا
إيه اللي حصل ليكم يا ولادنا ؟؟

عيب ما هي برضه دي أمك و اختك ..
خاف أحسن يترد في بنتك !!

رد علينا شباب واقفين..
قالوا خلونا يا ناس ساكتين

احنا شباب مظلوم و بقى لنا
كام سنة يشتموا فينا و حالنا

مش بنبص و مش بنبحلق
و لا بنعاكس و لا نتزنّق

لكن حوشوا بناتكوا شوية
لأ كدة (أوفر) خفوا عليا

شوفوا (باديهاتهم) شوفوا (بناطيلهم)
شوفوا (جيباتهم) أو (مشيتهم) !!

و الاسم محجبة و خلاص
علشان حاطة (قماش) عالراس !!

و اللي يغيظك ناس على طول
ليل و نهار عمّالة تقول :

" حرة يا سيدي , تلبس تقلع
و اللي ما هواش عاجبه يولّع " !!

و احنا شباب مكبوت متكدّر
عزّاب من عشرين سنة و اكتر

طيب قول لي هنعمل إيه ؟
أصل أبويا ما هوّاش (بيه) !!

و لا كان جايب لنا في الجامعة ..
حِتّة (فيات) و موبايل (الدمعة) !!

و لا أول ما هقول يا تَخرُّج
هيشغّلني مدير و اتفرج !!

أنا لا بدافع و لا أنا ببرر
بس الذنب عليهم أكبر

و الستات مش راحمين حالهم
شُغل (إيروتيكا) ... و لا على بالهم

و اللي بتلبس منهم عال
تمشي تبص يمين و شمال

و اللي بتلبس حلو طويل
ماشية يمين و شمال بتمِيل

و المحترمة بقت حاجة نادرة
وِسْط الجيش ده ما هِيّاش قادرة


بعد ده كله تلوم يا معلم ؟؟
ظبطهم و تعالى اتكلم !!

ظبّط أول حاجة (الفعل)
و هيتظبّط (رد الفعل) !!